王君馨懷孕後首現身自認虎媽 為BB推掉心儀打女角色

王君馨（Grace）日前喺社交平台報喜，宣布陀B為娛圈再添一單喜事，陀住5個月身孕嘅Grace，呢次係有咗BB後首次出席活動，Grace就算肚凸凸都著高跟鞋上陣，Grace婚後7年終於造人成功，佢亦難掩心中喜悅。

王君馨婚後7年終於造人成功。
Grace回想得知懷孕一刻，聽到BB心跳聲同照超聲波，Grace心情既興奮又感動，眼角仲有少少淚光，Grace同老公先返紐約親自跟家人講呢個喜訊，然後就喺社交平台公布呢個消息，更為咗BB推掉心儀打女角色。
講到BB性別，Grace話遲啲先公布。
Grace呢日未有透露BB性別，留喺性別揭曉派對先公布，佢笑指有啲朋友話一定係仔，又有啲朋友話感覺係女，最終決定開派對先揭曉，等睇朋友當日嘅反應，Grace指好姊妹衛蘭得知時爆喊，而蔡思貝就開心大叫。
Grace表示懷孕後自己變得感性。
Grace又指大肚之後成個人變得感性咗，諗到將來教育小朋友就變得好理性，相信自己係虎媽，絕對唔會縱容小朋友，怕小朋友咩都唔食，又怕小朋友喺街碌地。