異空感應丨陳家樂陳曉華深情連咀 捕捉浪漫畫面孖住談情查案

陳家樂同陳曉華（Hera）呢日為TVB熱播劇《異空感應》嚟到沙灘邊拍取景，喺呢個咁浪漫嘅環境下，二人終於踏出重要一步，就係一吻定情嘅場口啦！為咗令效果更靚更甜蜜，家樂同Hera先後要錫幾次，等導演捕捉更多浪漫嘅畫面。

Hera同家樂喺《異空感應》中終於成為一對
家樂事前冇向老婆連詩雅備案，佢指同Hera合作一段時間早已互相信心，大家有一定嘅默契，感覺唔會好陌生，家樂稱呢個場口已係最親密，而劇本好少係談情戲份，主要係同Hera集中喺查案。

呢場親吻戲甜蜜又浪漫