羅子溢為仔仔慶祝三歲生日 楊茜堯心願陪伴健康成長

相信好多父母都有共同點，就係緊張子女生日多過自己同另一半嘅生日，平時工作繁忙嘅 楊茜堯 同 羅子溢 ，為咗慶祝仔仔Eden嘅三歲生日，就一早安排時間搞大型生日會，喺茜堯分享嘅生日會相片中，見到以英雄人物為主題，而生日蛋糕更加係一架立體嘅消防車，食得又玩得相當有心思，仲連子溢同茜堯都忍唔住落手玩埋一份。

茜堯同子溢為細仔Eden慶祝3歲生日

超級英雄主題再加立體消防車蛋糕，滿足晒小朋友願望
茜堯喺帖文感性寫道：「寶貝仔，轉眼間你就三歲啦，今年你想要咩願望呢？無論你想要多少願望，多少禮物。爸爸媽媽的心願是可以陪伴你健康快樂成長，人生有很多階段，但願你在每個過程中，都能夠好好享受。我們會陪伴你闖人生每個關卡，一同學習，一同成長。We Love you forever!」字裡行間完全感受到茜堯同子溢對Eden嘅愛。

身為媽媽嘅茜堯，仲以長文表達自己對寶貝Eden嘅愛

子溢同茜堯一家四口不時都會出遊享受親子時間