劉德華個唱開鑼群星捧場 華仔狂冧女粉絲大嗌老婆

劉德華20場跨年演唱會喺12月17號晚正式開鑼，闊別紅館六年嘅華仔嘅小高台度開場，華仔喺台上激動問大家「等咗幾耐？」觀眾回覆「好耐!」華仔即話「我都等咗好耐。」

劉德華香港站個唱星期二晚開鑼
華仔狀態大勇，全晚滿場飛，兼且唱咗超過30首歌，仲喺台上重現喺內地演出時爭啲發生意外嘅高難度跪姿。頭場座無虛席，唔少藝人到嚟欣賞，包括陳慧琳、梁詠琪、曾華倩、薛家燕、呂良偉夫婦、周勵淇、汪詩詩同周吉佩等。
大批明星名人都有入場欣賞

當華仔獻唱電影《烈火戰車》主題曲《情深的一句》嘅時候，台下嘅女主角Gigi感動到眼濕濕，喺歌曲尾端嘅時候，Gigi同Kelly就企起身做大心回敬畀台上華仔。

Gigi同Kelly台下如小歌迷一樣投入
華仔今次20場演出將橫跨明年1月

眼見觀眾情緒高漲，華仔就大耍冧女招數，喺台上叫觀眾講「我願意!」跟住佢就話「你以後可以叫我做老公，我見到女就可以嗌老婆。」此話一出即令女觀眾為之瘋狂。

華仔呢日狂冧台下一眾歌迷