郭晉安與胞姐生意上市做非執董王祖藍康子妮見證好友敲鑼儀式

郭晉安與家姐郭致因共同創辦嘅本港保健品供應商喺今日掛牌上市，安仔同家姐喺一眾親友及多位藝人見證下，喺港交所進行敲鑼儀式，安仔勾起好多回憶，記得一開始同家姐傾點樣成立呢間公司，終於企上呢個台做到呢件事，安仔話腦海畫面好感動，但佢控制住情緒，皆因做嘢要緊。

郭晉安同胞姊嘅公司上市。郭晉安姊姊郭致因。

家姐郭致因爆安仔眼有淚光，指公司未來有好多計劃，同時推出新產品，亦多謝大家對佢哋嘅支持；安仔而家擔任非執行董事，需要定期開會商討策略同計劃，佢大讚家姐好好，以往自己要拍劇，家姐盡量遷就佢嘅工作時間，安仔目前做非執董就必須定期出現去開會，要對股民交代，責任大咗好多。
一眾好友嚟祝賀郭晉安。