陳星妤新片扮學生妹引死人 29歲如少女演出逐漸成熟

2021年參選港姐入行嘅陳星妤，早前參與話題不斷嘅電影《手機見鬼》演出，同劇中幾位女演員齊齊以學生打扮出現，雖然Yvette已29歲，不過近日佢Post出身穿戲中校服嘅相片就青春味十足，眼大大又可愛，一定引死唔少學生哥。

Yvette早前參演彭發執導嘅《手機見鬼》，扮演一名女學生
Yvette非常勤力經營社交平台，不時公開自己到各國旅行嘅紀錄，亦不吝大曬太陽Fit爆好身形。自入行後，佢去年就有機會於重頭劇《一舞傾城》中，扮演因為家境問題淪落風塵嘅少女，Yvette當時嘅入世未深演出毫無遺和感，劇中仲被指係「萬國城最後一個處女」而令角色順風順水。之後佢又被安排參演叫好叫座嘅《香港人在北京》，扮演一位北漂KOL，仲因為兩部劇集嘅不俗表現獲提名飛躍進步女藝員。