黃夏蕙孖魯振順八両金出席冬至聯歡晚宴 預告農曆新年頭炷香造型化身靚蛇女

黃夏蕙一向積極行善，呢日佢聯同魯振順及八両金等好友現身契仔搞嘅冬至聯歡晚宴，夏蕙姨同一眾老友記同樂，呢次既可以同老友見面，又可以做慈善，夏蕙姨感到好高興。

夏蕙姨呢日預先為一班老友記慶祝冬至
夏蕙姨造型百變，早前佢變身青竹蛇搞93歲生日會，大家都好期待佢嘅農曆新年變裝，以咩造型上頭炷香，夏蕙姨話一定以蛇女為主，要靚啲有唔同，佢計劃嚟緊同契仔一齊歡度聖誕，佢仲話要扮聖誕老人，又指已獲契仔送新手機作聖誕禮物。

又話下月底要化身靚蛇女爭上頭炷香喎

契仔已經預早送上手機俾夏蕙姨作聖誕禮物