小豬高雄開騷賀跨年 愈情靚爆綵排整蠱記者

羅志祥 嘅跨年演唱會即將於高雄展開，呢日佢綵排時就率先俾傳媒探班，心情大靚嘅佢又即場整蠱記者，令現場笑聲四起。呢次出道30周年嘅演出，佢就希望呢個里程碑會令大家有深刻嘅回憶，所以特別安排歌單，大家一定會非常滿意。

羅志祥近日正為跨年演唱會綵排中
而主辦單位就向日夜排舞嘅佢送上按摩槍同機票，寓意佢落力演出之後可以好好放鬆。同期 張惠妹 於新場地台北大巨蛋開跨年騷，小豬就話希望安排時間入場觀摩學嘢，不過提到阿妹將送出20萬份禮物予入場觀眾時，佢就笑指自己俾大家嘅驚喜就係冇安排，不過到時一定唔會令大家失望咁話喎。

小豬呢日心情大靚，同傳媒朋友有講有笑

又話想欣賞同期於台北大巨蛋嘅張惠妹演出