王虹茵出嫁被愛的宣言感動 馮盈盈伍樂怡見證好友行禮

曾經主持《後生仔傾吓偈》嘅「體操女神」 王虹茵 12月22號，同拍拖七年嘅圈外男友王建皓拉埋天窗，一對新人喺親友嘅祝福下簽紙行禮，而老公喺婚禮上嘅愛的宣言更令王虹茵非常感動難忘，佢話平時老公唔會講呢啲感人說話，所以係好難忘嘅畫面，佢又講到爸爸帶佢行入禮堂嘅一刻同樣感動難忘。

Sharlene同圈外男友結束愛情長跑，聖誕前成婚
王虹茵同老公已經有生BB嘅共識，兩夫婦會先享受吓幾年二人世界，問到想生多少個BB時？佢就話最想係龍鳳胎，一次過生完，不過生男生女都無問題，一切順其自然。
一對新人仲指對生育已有共識，仲話想生龍鳳胎咁話

婚宴會場擺滿一對新人嘅結婚相，唔少圈中好友都現身到賀，包括馮盈盈、陸皓明同女友、伍樂怡、鄭衍峰、周志康、波波黃婧靈，而王菲就擔任姊妹團成員之一。

大班圈中人到場恭賀

曾主持《後生仔》嘅馮盈盈同陸浩明都有到賀，唔知成日被催婚嘅6號又打算幾時結婚呢？

王菲為Sharlene擔任姊妹