43歲朱慧敏陀B七個月三年抱兩 分享懷孕機率提升暖宮小秘訣

43歲朱慧敏（Queenie）與心臟科醫生陳良貴結婚3年，去年10月誕下女兒Shera，今日佢於平安夜宣布三年抱兩喜訊，朱慧敏已懷胎7個月，預產期為明年3月，親揭速孕秘方及透露自己重咗22磅，坦言生完阿女之後，已計劃半年至1年內再追B。

朱慧敏已懷胎7個月，預產期為明年3月。
朱慧敏雖然陀B七個月，明顯見佢身形豐腴，但係佢粗身大細，照樣陪伴愛女，早前佢陪阿女參加BB爬行賽奪冠，見佢仲係身手好靈活，朱慧敏今日喺社交平台貼出影片，見佢同老公陪1歲幾嘅大女感受聖誕氣氛，又抱起阿女欣賞燈飾。

朱慧敏坦言生完阿女之後，已計劃半年至1年內再追B。
高齡產婦朱慧敏喺接受雜誌訪問有講到速孕秘方，指自己備孕前半年至1年每月去針灸及做暖宮療程各兩次，佢更戒飲凍飲，習慣每日喺肚位置敷暖水袋等保持身體暖和，經過一番努力，又再度造人成功。

朱慧敏雖然陀B七個月，明顯見佢身形豐腴，但係佢粗身大細，照樣陪伴愛女。