宋慧喬十年後重返大銀幕化身驅魔修女 全汝彬讚女神氣場十足

韓國女神宋慧喬又有新作，喬妹相隔10年重返大銀幕，夥拍全汝彬演出新片，宋慧喬去年憑神劇《黑暗榮耀》再登事業高峰，今次再以暗黑題材回歸大銀幕，喺新片化身驅魔修女。

宋慧喬同拍檔一齊為新片宣傳
喬妹坦言《黑暗榮耀》非常受大家愛戴，對於自己下一個作品有一定壓力，睇完劇本後，對題材感興趣，希望呈現出另一個自己。
喬妹話演愚《黑暗榮耀》之後對演出新作感到唔少壓力

全汝彬今次同偶像宋慧喬有連場對手戲，大讚女神氣場十足，又爆喬妹好照顧片場上下，過程拍攝得非常順利，而喬妹亦大讚全汝彬呢位拍檔冇得頂，給予好大嘅力量，當全汝彬爆從小封前輩係偶像，喬妹聞言笑笑口叫全汝彬唔好講呢個，惹嚟在場記者大笑。