彭翔翎飛日本飄移頭搖又尾擺 棍波「呂司機」行雲流水型到震

扮演過《直播靈接觸》紅衣女鬼，最近又於《異空感應》扮演陳曉華妹妹嘅 彭翔翎，曾提及過往因收入唔高，而需要兼任的士司機幫補生活。咪以為Janice隨口噏，最近佢就飛到日本正式學習飄移，仲連日本當地指導佢嘅師傅都大讚佢有潛質進步神速呀。

彭翔翎有份參與《異空感應》演出

早前又為《直播靈接觸》扮可怕女鬼

Janice早前到日本學飄移，仲獲車手師傅大讚
近年唔少人都怕咗「呂司機」，不過其實近年唔少女士駕駛技術一樣唔錯，Janice飛去日本頭搖又尾擺之前，就喺香港先揸棍波車熟習，仲搵埋部當年風行街頭巷尾嘅「三條一」辣車遊車河，一腳極力子一入波瀟灑到不得了，真係「鬼」咁快。
早前又分享駕駛當年辣車嘅片段，棍波對佢毫冇難度

Janice去日本圓夢首次飄移之後，亦都非常開心寫道：
Janice指以後一定會由「翎」變型

人生總會遇到好多自己無諗過既事慶幸有棍波車牌咁岩又有個機會去日本由零開始學飄移交比我啦🤪 我會努力！由 < 翎 > 開始🫡
Yeahhhhh 第一次接觸就成功旋轉360個冬甩雖然唔係好完整但都成功做到🫣
最開心係日本D1車手話我上手好快有潛質😳 比啲時間我日後一定會由翎變型！