鹿晗社交平台突被封禁停權 疑因舉中指被指違法律法規

韓團EXO前成員 鹿晗 近年積極發展音樂同綜藝節目事業，加上同 關曉彤 戀情穩定，唔少人都認為佢雖然不復當年頂流人氣，但至少事業、愛情得意，更不時傳出佢同女友好事近嘅消息。 

鹿晗嘅各個社交平台同時被封禁事件瞬即成為網民討論焦點仲有人估計佢係犯下嚴重過錯出事

不過喺1月6號下午時分，內地社交平台就有人發現，鹿晗嘅網上各個平台帳號都同時受到限制禁止關注，並且按下關注後仲會顯示「違反法律法規」字眼，令唔少粉絲同網民大感震驚，擔心鹿晗係涉及嚴重事件被封禁，呢件事更衝上社交平台熱搜榜第一位。 

一時間令佢又成為熱搜冠軍

但萬幸最後係有人指出，鹿晗被封禁估計係因為直播時做出比中指動作，所以先會被罰，雖然有人亦陰謀論認為，此舉只係為嚴重事件嘅掩飾說法，不過喺下午，鹿晗工作室就代鹿晗公開道歉同發出公告，內文指：「因在直播過程中，做了不良示範，本人在此鄭重道歉。並願意積極消除因此產生的不良社會影響，承擔一個演藝工作者應該承擔的社會責任。之後我將更嚴格要求自己的行為，以實際行動表達我對大家的歉意。再次向大家鄭重道歉。」所以大家都可以鬆一口氣，鹿晗只係「失禮」而闖出小禍，並非涉及任何重大過失。

工作室發聲明指，其實事件係因為於直播中舉中指.......