張頌文遭爆料疑家暴漏稅 多位合作對象連環發文力撐

內地男星 張頌文 因演出內地反黑劇《狂飆》，飾演大反派高啟強而爆紅，更因為佢經常同網民分享生活，加上對演戲態度認真，而成為新一代大受歡迎嘅中生之一。 

張頌文突然被指控家暴同逃稅

之不過日前就突然有一名叫 姜塵 嘅女演員，喺社交平台表示自己曾被一位「溫文儒雅」嘅男星舊愛動粗，並暗指該名男星搭上閨密，甚至拍下性愛影片。姜塵描述對方「家境貧寒、內心自卑，心理扭曲，對外情緒穩定，私下卻非常暴力」，更直言對方同螢幕形象反差巨大。雖然姜塵未點名，但有人問：「是張頌文老師嗎？還是文生？」姜塵僅回應：「不是文生！」加上多項線索引發網友聯想，認為佢直指張頌文。 

雖然冒出一名女士指控，不過唔少圈中就於網上Po文力撐張頌文

不過最嚴重係，張頌文遭爆料，指佢「收入申報和實際所得不符」被稅務部門約談，又有人指佢營銷慈善人設，實際上每次僅損款10蚊。不過多名曾經同張頌文合作過嘅導演、藝人就發文為佢發聲，形容佢係一個大好人、好演員，即使成名後仍然勤懇努力。

曾合作嘅台前幕後都認為張頌文遭到惡意抹黑