內地演員王星失蹤60小時被尋回 身在緬甸疑被剃頭近照曝光

內地演員王星被傳喺1月3號於泰緬邊境失聯，一名聲稱係其女友身份嘅網民嘉嘉發出緊急求助，指王星疑似墮打工騙局，泰媒今日公布一張疑似星星嘅近照，照片見佢疑似被剃頭，身穿白色運動服，目光呆滯、左腳有大片紅斑。

內地演員王星被傳喺1月3號於泰緬邊境失聯，一名聲稱係其女友身份嘅網民嘉嘉發出緊急求助。
王星喺12月24日見到一個招募組訊息，女友嘉嘉為王星拍試戲片，隔日獲通知試戲成功，王星曾對拍攝資訊及地點存疑，對方聲稱難搵人替補，最終王星前往泰國入劇組，王星1月3號到達曼谷被帶上車，稱去參加開機儀式，後嚟消失喺泰緬邊境，移民局曾指未發現王星正式出境泰國記錄，王星失蹤逾60小時後，今日泰國曼谷電視台稱警方已搵到王星，目前身在緬甸，指王星安全無恙，更流出王星疑似被剃頭嘅相。

王星疑似墮打工騙局，慘遭「賣豬仔」去KK園區事件喺網上瘋傳。
王星慘遭「賣豬仔」去KK園區事件喺網上瘋傳，引起舒淇、秦嵐、龔俊馬天宇、陳坤及金晨等多位圈中人轉發演員王星失聯嘅消息，而另一內地演員徐大久聲稱王星已進入緬甸苗瓦迪鎮保利園區，更指自己都係受害者之一，當時佢到達機場，出海關嗰陣發現自己回程機票被退掉，徐大久稱一收咗對方「劇組」1200元訂金就轉身走人。

疑似星星嘅近照，見佢被剃頭身穿白色運動服，左腳有大片紅斑。
今日有消息指泰國總理貝東丹及警方透露星星喺湄索邊境附近被發現，總理確認呢件事一定要做好，唔希望影響旅遊，泰國警察總署署長搭特快專機已飛往湄索接星星，緬甸邊防部隊（BGF）搵到演員王星，緬甸方與泰國當局協調後，今午過後就送回泰國。

泰國警察總署署長搭特快專機飛往湄索接星星。