李龍基下月開個唱提未婚妻即喊 老淚偷垂再次強調非卿不娶

未婚妻入獄後轉趨低調嘅 李龍基 ，呢日開記者會宣佈將展開名為「笑看人生」嘅演出，不過基哥呢日一提到囚於牢中仲有半年先獲釋嘅王青霞就老淚縱橫，再次強調會迎娶對方。

李龍基以火紅大媽花紋外套，宣傳下月舉行嘅音樂會
基哥指未婚妻於獄中一樣會留意到新聞消息，更有人向佢稱基哥將會同佢分手，基哥就每周寫信訴衷情表明心跡，雖然每月只見面兩次，不過呢日就再喺鏡頭前強調「一定會娶你」咁話。
提到王青霞在囚時，佢就再次指一定會迎娶對方

基哥又話往後一片光明，婚事亦未會鋪張，又稱未婚妻每日都向自己寫信，自己亦會回信鼓勵。佢同王青霞嘅事成為去年嘅熱搜娛樂話題，不過基哥就認為呢個排名真係令佢哋苦笑，令願唔上榜咁話。
仲話對未婚妻仲有半年就完成刑期非常期待

雖然去年經歷翻天覆地，不過基哥就寄望今年重新開始，希望由谷底翻身再起，所以音樂會歌單同表達方式都會重新設計呀。