王星首披露禁錮過程遭剃頭練打字疑做電騙 演員范虎自爆被騙泰國「拍戲」幸逃脫

內地演員王星於1月3號赴泰國「拍戲」，突然喺泰緬邊境失聯，疑被「賣豬仔」去緬甸妙瓦底詐騙園區，王星女友嘉嘉喺網上發起尋人，旋即引起網上熱話，王星於1月7號於緬甸被尋回，由當局安排由緬甸獲救回泰國，內地演員范虎亦自揭同徐大久均係受害者，談及被騙泰國「拍戲」經歷，二人到達後發覺情況唔對路，二人均未有上車，幸好成功逃脫！

王星於1月7號於緬甸被尋回，由當局安排由緬甸獲救回泰國。
王星喺泰國官員陪同下見記者，先用英語講感謝協助救援嘅人士，重申泰國非常安全。王星喺泰國人員提醒用普通話講「我在這裡感謝泰國的政府和當地的移民局能夠把我安全地送還到這邊，非常感謝他們。泰國挺安全的，以後有機會的話，我還想再次來這邊」。

王星喺泰國官員陪同下見記者，先用英語講感謝協助救援嘅人士，重申泰國非常安全。

至於王星失蹤幾日嘅經歷，泰國警方稱王星本來以為參與拍攝，抵達曼谷落機後，接頭人話載佢參加開鏡儀式，去到泰緬湄索邊境嗰陣，有人用船接佢過境，王星頓時意識自己被呃，不過佢唔敢反抗，王星承認喺緬甸時慘遭剃頭，被安排同約50名同胞喺一座建築物內練習打字，王星懷疑將被迫從事電騙工作。據知王星將進入泰國國家轉介機制，泰國警方已確認王星係人口販賣嘅受害者，被騙去鄰國「進行選角工作」，王星將進入保護程序，通過泰國移民局程序安排王星預計1至2日可送回國。

據知王星將進入泰國國家轉介機制，若確認其為人口販賣嘅受害者，就會進入保護程序。
內地女星邵逸凡曾同合作電視劇《理智派》，喺網上發文稱內地大部分演員收入唔高，尤其係草根演員一年平均一日賺208元人民幣都冇，而邵逸凡自爆拍戲片酬一年係3萬人民幣，戲份已經係出現喺好多場口同明星對戲，收入主要靠自媒體同做模特兒賺錢，因此邵逸凡估計王星「如果不是實在沒戲拍，需要錢，也不至於放鬆警惕上當受騙」，亦認為王星「太想拍戲了」。

內地女星邵逸凡曾同合作電視劇《理智派》，喺網上發文稱內地大部分演員收入唔高。
內地演員范虎自曝係另一受害者，佢曾被騙去泰國，幸好驚險逃脫，又稱呢個「劇組」幾可亂真，指所謂接頭人非常熟悉演員生態、用嘅「術語」好專業，范虎於去年12月29號自稱獲邀去泰國劇組，由北京飛抵泰國曼谷，後嚟范虎發覺情況唔對路，當日用社交平台聯繫「劇組」聲稱合作嘅泰籍導演，對方回覆：「不是我，請提醒大家注意騙局！」

內地演員范虎自曝係另一受害者，佢曾被騙去泰國，幸好驚險逃脫，又稱呢個「劇組」幾可亂真。
范虎受騙嘅經歷同王星非常相似，范虎喺該名「演員經紀人」開嘅群組當中，見到有4名演員，當中有兩名演員已抵達曼谷，另外一名演員就係早前喺微博上自稱受騙嘅演員徐大久，范虎與徐大久係前後腳到機場，范虎抵達後收到早一日到曼谷嘅另外兩名演員發短訊，指佢哋回程機票被「劇組」退票，范虎察覺唔對路，全程假裝配合行程，將護照放喺身上，其後范虎將「劇組」準備嘅酒店退咗，自行去其他酒店下榻，12月30號返回北京。

范虎受騙嘅經歷同王星非常相似，范虎喺該名「演員經紀人」開嘅群組當中，見到另外一名演員就係早前喺微博上自稱受騙嘅演員徐大久。