Cookies前成員何綺玲凌晨發文 感慨大女轉眼間已成長心中有愧

組合Cookies嘅前成員 何綺玲Elaine 與圈外老公 Bosco Leong育有一子一女，大女眨吓眼就已經10歲喇，令到媽媽Elaine有感而發，凌晨喺社交平台PO出寶貝女Cass嘅相，並喺帖文中寫道：「十歲了我的心肝寶貝❤️今天媽媽第一次有你的電話號碼，設定來電稱呼的一刻，那些十年的回憶湧上心頭，要揀一幅你手機第一張頭像相真係好難，每一個階段都是媽媽的最愛。」
Cass眨吓眼就10歲喇！Cass越大越靚女。
Elaine坦言自己對Cass係偏心嘅，因為自己最軟弱嗰幾年都係囡囡陪伴住自己度過，而亦喺呢個時候令Elaine變得更強，佢感性地表示：「是你的可愛嘴甜撐起我疲憊的身軀，應該說更多的是我對你的愧疚，幸好已經過去了。爸媽願你身體健康，繼續口甜舌滑，平和地踏入你人生另一個階段-青春期💓」

Elaine有感而發。
最終揀咗呢張相！

一家四口早前去旅行影咗唔少相。兩姊弟顏值都好高！