林秀怡戴鳳冠疑似好事近？！ 獎老變桃花仙子Post林襄合照

早前拍攝《吃貨橫掃港深珠》，為大家介紹各地美食嘅 林秀怡 ，當時被其他主持拍檔冠以外號「一口秀怡」，更指佢身材澎湃「禾稈冚珍珠」，早年仲有取自日本AV女優外號嘅「水野秀怡」花名。

身材唔嘢少嘅秀怡，早年被冠以「水野秀怡」嘅花名

月前拍飲食節目，仲被改「一口秀怡」，指佢可以鯨吞天下
佢同導演男友拍拖成功度過七年之癢嘅佢，近日突然公開一張戴上疑為鳳冠嘅新相，唔通好事近？！秀怡近年擔任唔同主持，扮鬼扮馬醜化自己都完全冇問題，其實嗰頂並非鳳冠，而係臨近送龍近蛇嘅年尾日子，秀怡率先扮彩神戴嚟添旺氣。
秀怡同導演男友已經拍拖多年

其實呢頂並非鳳冠，而係財神爺嘅官帽

而近年擔任「獎老」嘅佢，今晚亦會現身《大師兄新春感謝祭》，秀怡仲預早貼相提醒大家節目今晚播出，佢唔止話自己化身桃花仙子，仲Post埋同日前來港宣傳賀歲片，上節目做嘉賓嘅台灣啦啦隊女神 林襄 合照，真係令人非常葡萄呀。

佢又預告今晚節目會有林襄等嘉賓

更指自己呢晚係化身慡桃花仙子呀

《大師兄新春感謝祭》 今晚 20:00 翡翠台