佘詩曼斯文律師造型首曝光 幽默指「案件棘手」拍通宵

由「三料視后」佘詩曼主演嘅新劇《正義女神Themis》正拍攝得如火如荼，同劇演員仲有譚耀文、周嘉洛、陳煒、許紹雄、蔣祖曼、戴祖儀及馬貫東。劇集圍繞少年法庭展開，亦係阿佘入行以嚟首次拍攝律政劇。

佘詩曼主演嘅新劇《正義女神Themis》正拍攝得如火如荼。
雖然阿佘拍完呢套劇仲要接連拍攝有其他電影、劇集，阿佘笑指自己定力唔夠，皆因呢個劇本真係好好，所以佢照樣接拍呢套劇，即使好多頁對白，阿佘都努力克服。

劇集圍繞少年法庭展開，亦係阿佘入行以嚟首次拍攝律政劇。

劇集開拍至今，有唔少人偶遇過劇組拍攝，喺網上分享阿佘著行政裝、戴眼鏡嘅角色造型。阿佘凌晨喺社交平台分享一張冇露樣嘅自拍，見佢戴眼鏡、身穿律師袍造型，呢張相更係阿佘律師look首次曝光！阿佘喺相中加上「04：41」嘅時間，幽默表示：「呢單案真係好棘手，判刑而家都未收工。」可見佢又要拍攝開通頂啦！

曾有網民分享阿佘著行政裝、戴眼鏡嘅角色造型。
阿佘凌晨喺社交平台分享一張冇露樣嘅自拍，見佢戴眼鏡、身穿律師袍造型。