林嘉欣分享肌膚維持最佳狀態秘訣 透露新一年動向持續提升自我

林嘉欣 (Karena) 近日為一個護膚品牌拍攝新一輯宣傳企劃，大方分享肌膚維持最佳狀態嘅秘密，而林嘉欣坦然拍新戲《女兒的女兒》亦獲深刻領悟。

Karena於鏡頭前及出席公開活動都時刻散發自身光芒。
林嘉欣分享護膚心得，深信晚間係肌膚最好修復時期，除咗睡眠充足外，塗抹高效護膚品係改善膚質嘅重要秘訣去應付忙錄生活，具有回復彈性及緊緻功效嘅護膚品，對佢而言好重要。

Karena工作認真、追求完美，當日拍攝期間Karena不斷重溫每個錄影片段，務求呈現最完美的畫面。

林嘉欣近期最新電影作品《女兒的女兒》大獲好評兼入圍5項金馬大獎提名，影后級嘅林嘉欣演出極為搶鏡，喺戲中譜出母女情引發情感共鳴，展現女性多面向。Karena 表示：「喺拍攝過程百感交集，不論作為母親或女兒嘅角色，都唔係一件容易事。我深切體會到母親嘅一個抉擇會影響子女一生。所以我自己經常與女兒坦誠溝通及相處、互相尊重，讓女兒追尋自己嘅生命道路。」

林嘉欣坦然拍新戲《女兒的女兒》亦獲深刻領悟。

林嘉欣多年來喺演藝及藝術創作上不斷突破自己，問到林嘉欣未來新嘗試，林嘉欣話相信一切係最好安排，未來佢希望嘗試參演真人真事嘅故事或者自傳角色作品，做大量資料搜集，用身心感受及揣摩角色背後嘅真實情感，可以喺電影中彰顯感染力。

林嘉欣多年來喺演藝及藝術創作上不斷突破自己，問到林嘉欣未來新嘗試，林嘉欣話相信一切係最好安排。

作為陶藝家嘅林嘉欣，同時透露將喺5月與著名畫家及音樂家合作舉行大型陶藝展，用第二感觀立體地欣賞陶藝嘅美態，喺作品裡投入豐沛嘅能量，讓大家感受背後嘅內心世界。林嘉欣希望今年繼續勇於突破框架，以創作展現人生態度，擁抱自我，令自身光芒逐漸昇華，蛻變成更好嘅自己。