貓仔黎寛怡與未婚夫婚照曝光 谷胸曬身材甜蜜放閃迎接大日子

東張女神 貓仔黎寛怡 早前宣布封盤，與拍拖多年嘅圈外男友阿Sing將於2月舉行婚禮，兩夫妻又要兼顧工作，同時為婚事忙過不停，但為咗美滿嘅婚宴而勞碌絕對值回票價。
貓仔黎寛怡晒出同未婚夫阿Sing嘅婚紗照。
呢日一對準新人就發放一輯浪漫婚照，貓仔換上三套不同款式嘅裝束，顯出不同風格，其中一套黑色晚裝更令貓仔豐滿身材成焦點，為美艷嘅婚照增添一份激情感覺，而另一套淺藍色嘅紗裙亦相當搶眼。
呢套淺藍色紗裙好搶眼。
貓仔又作狀扭未來老公耳仔。

相片中兩人不時深情對望，洋溢溫馨浪漫感覺，見到阿Sing含情脈脈望住準新娘，貓仔又作狀扭對方耳仔，又從後擁抱未婚夫親親面頰，恩愛放閃，展現夫妻默契。距離結婚之日愈來愈近，見貓仔已經keep得好好狀態，屆時披上嫁衣必定更亮麗，幸福迎接人生大日子。
一對新人好登對。一對新人好登對。
喺發放呢輯婚照之前，貓仔同阿Sing依足傳統進行過大禮儀式，除咗鮑參翅肚、八大精美禮籃及龍鳳嫁囍禮餅外，仲有金光閃閃份量十足嘅兩對巨型龍鳳鈪，4條足金頸鍊，一大堆珍貴禮品，真係講心又講金，福氣滿滿。
下月二人就會舉行婚禮。