林子善為愛女輔導功課 直言係耐性の試煉

而家做家長一啲都唔易，單係每日收工返到屋企後，仲要為仔女輔導功課都已經夠頭痛，遇到小朋友有勞作、親子嘅功課就仲閉翳，相信身為爸爸嘅林子善就深有體會喇！

林子善同囡囡一齊做功課。
子善日前就上載咗幾張同囡囡一齊搓湯圓嘅上社交平台，原來呢個係佢囡囡學校出嘅功課之一，要小朋友同家長做嘅親子活動。子善話好彩當日囡囡夠晒聽話，教佢做功課時好快就記到晒要記嘅字，先令佢可以夠時間去做運動，至於呢個搓湯圓嘅親子功課，就喺佢哋一家飯後就開始。
呢份功課就係搓湯圓。
可能係親身經歷過教囡囡做功課嘅難處，令子善都有感而發，諗返起自己細個嗰陣，林媽媽教佢做功課時有幾嘔血，子善仲喺帖文中話自己有呢種福氣可以體驗到父母、老師同補習老師嘅心血，同時又話為子女輔導功能絕對係「耐性嘅試煉」呀。

子善話為子女輔導功能絕對係「耐性嘅試煉」呀。