曹圭賢享受觀摩求愛高手過招 「四朝元老」洪真慶外地收獲極高人氣

韓國人氣戀愛真人騷展開第四季，曹圭賢、洪真慶、李多熙、韓海與DEX原班人馬繼續擔任主持，一邊睇參加者嘅求愛過程、一邊作出回應，圭賢作為「四朝元老」，見每一季都成功製造話題，亦發掘唔少新星，佢亦好享受觀摩求愛高手過招。

原班人馬繼續擔任韓國大熱戀綜嘅主持
一班參加者憑大膽演出，得到入行嘅好機會，好似第二季參加者DEX成功殺入綜藝界，上季起開始擔任該節目主持，而同樣陪住節目成長嘅洪真慶，自爆因主持呢個節目收獲不少人氣，自誇喺海外更受歡迎，而家去外地都有好多人認出佢，仲因唔知節目嘅英文名而鬧出笑話。

洪真慶同圭賢繼續出任新一季主持