林德信升呢人父爆阿Lam雙眼被吸實 倪晨曦Fit爆產後靠自律戒口修身

林德信 同 倪晨曦 呢日齊齊參與一個慈善瑜伽活動，雖然佢哋對練習瑜伽有唔少心得，不過就異口同聲話湊小朋友嘅精神體力一啲都唔嘢少呀。舊年升任做爸爸嘅Alex，囡囡話咁快已經十個月大，佢仲話非常期待今年帶埋佢一齊出動拜年咁話呀。

林德信指爸爸阿Lam一見到孫女就會眼甘甘
去年結婚嘅佢今年亦要正式派利是，Alex就指要籌謀下究竟會派得多定囡囡收得多，不過就指不論派定收都一樣開心，仲估計一眾長輩親友見到BB一定開心到不得了，仲爆爺爺阿Lam會一直望住BB傻笑，非常有趣。
佢同Elva都話湊小朋友嘅體力消耗隨時犀利過運動

Alex又話做咗Daddy之後有唔少啟發，仲打算將呢啲諗法加入歌曲當中，仲話終於明白為人父母嘅感受呀。

而Fit到爆嘅Elva舊年誕下第三胎，細B就周身肉非常得意，而依然身材纖瘦嘅Elva，就指產後飲食非常重要，最緊要戒甜同零食再慢慢回復做運動咁話。