萬千星輝頒獎典禮｜澳門進行拜神儀式 C位譚輝智演出再展舞技

全城矚目嘅《萬千星輝頒獎典禮2024》，晚上移師澳門舉行。頒獎典禮舉行前，總經理曾志偉率領一眾藝員歌手進行拜神儀式，大家都以期待同興奮嘅心情迎接頒獎典禮來臨。

周吉佩、孔德賢、冼靖峰等人都表示最期待同最緊張都係Opening嘅演出環節，而被大家稱為「焦點」同「C位」嘅譚輝智，壓力之大可想言之，佢仲預告會施展舞技添。而同樣有份負責Opening演出嘅阮浩棕都話好期待睇輝智嘅演出，仲話綵排都已經忍唔住成日望住輝智呀。

至於同樣有份參與Opening嘅女將傅嘉莉、梁凱晴、第一年參與呢個頒獎典禮嘅趙頌宜等都話心情既緊張又期待，反而陳懿德就話希望大家以輕鬆嘅心情享受舞台，展現最好嘅自己比大家睇，而「飛躍進步女藝員」大熱人選關嘉敏，就自信滿滿話自己已經準備好獲獎感言，身邊嘅德德就抵死問佢「係咪男新人？」關嘉敏就搞笑回應：「係男飛躍」。