Hey Brother一出道即發生內訌 大口氣謀爭來年男團新人獎

由 李思捷 曹永廉 唐文龍 麥長青 同 黃智賢 組成嘅中佬男團Hey Brother，一出道就即登上大騷演出，呢日又到電台接受訪問，仲齊齊著住同款牛仔外套出現，隊形十足。不過問到隊服係咪會有唔同款式時，思捷嘅食字絕技又再出現，話大家齊齊有「入息」先係最熙要咁話。
中佬男團 Hey Brother 呢日到電台接受訪問。
佢哋好快就會出發去大馬登台，不過已推出嘅新歌MV就收到投訴，因為其他成員覺得麥包似乎太多鏡頭，大家甚至想重拍咁一人一句，但係一轉頭就話有咩大家搞唔掂都會推晒比思捷，要頒勤工獎俾佢呀。
其他成員投訴麥包喺新歌MV入面出鏡率太高。
雖然加埋已經280歲，不過呢班Uncle就海口指樂壇頒獎禮唔會客氣會爭埋一份，希望出年會得新男團獎呀。