多圖丨Super Girls成員蔡明思宣布細女出世 老公陳冠廷親為女兒Serene剪臍帶

前女子組合Super Girls成員蔡明思（Jessica）喺2019年嫁陳冠廷，噚日喺個人社交平台宣布順利誕下第二胎，透露今胎只用咗30分鐘，BB就出嚟，過程一啲都唔辛苦，感謝小天使錫住，認真Sweet到爆，而佢老公亦一早喺社交平台上載為B女剪臍帶嘅相，率先分享喜悅！

前女子組合Super Girls成員蔡明思噚日喺個人社交平台宣布順利誕下第二胎。
Jessica喺社交平台大晒多張與BB合照，更留言表示：「 Welcome home, Serene BB！多謝你健健康康，順順利利咁嚟到媽咪身邊，醫生話第二胎通常好快，估唔到用咗30分鐘就出咗嚟，過程一啲都唔辛苦……」

老公陳冠廷一早喺社交平台上載為B女剪臍帶嘅相，率先分享喜悅！
Jessica指第一胎大女出世時身型比較瘦，不過今胎妹妹出世，冇諗過面豬登咁多肉，見到佢嗰陣都忍唔住讚細女好可愛。Jessica三年抱兩，更祝願阿女彼此相愛：「玥綝，星綝，星星月亮永遠相伴在旁，這是我給你們彼此最好的禮物，要一生一世都相親相愛呀！」

Jessica指第一胎大女出世時身型比較瘦，不過今胎妹妹出世，冇諗過面豬登咁多肉。

Jessica喺社交平台分享多張Serene BB照片，感謝阿女健健康康，順順利利咁嚟到媽咪身邊。Jessica三年抱兩，更祝願阿女彼此相愛。Jessica見到細女嗰陣都忍唔住讚細女好可愛。