古天樂至愛買衫心急出事變童裝 Gin Lee好友群起求購霆鋒門票

古天樂 同 Gin Lee 仲有 馬志威 同 朱鑑然 呢日齊齊現身馬場出席活動，古仔呢次更同時為最佳服飾獎擔任評審同頒獎嘉賓。一身貼服西裝現身嘅古仔，當年歌曲《今期流行》早前突然翻Hit，仲有唔少人求佢再出新歌，呢日佢就強烈咁表達對再上台開騷冇乜興趣喇。

古天樂呢日被問到有冇興趣再開騷時決斷話完全冇計劃
熱愛唱歌嘅 黃百鳴 最近技癢開影片頻道獻唱，古仔就指對方唱得比自己好，隨時可以開演唱會咁話。

過往儲玩具儲到要開倉撼放收藏嘅佢，又提到近年最大興趣就係買衫，飛到外地時就會自己去唔同店鋪親自己揀衫，仲同大家一樣，上網一時心急就會買錯，更搞笑話曾買錯過童裝咁話。
Gin Lee指霆鋒近日宣佈開騷後，唔少朋友都上水搵自己撲飛

年初終於一嘗獲得金獎滋味嘅Gin Lee，有計畫年底展開個唱。而同門師兄 謝霆鋒 早前宣佈將於啟德體育園開騷掀起搶飛潮，Gin Le就話唔少朋友都現身拜託代買，不過就連佢都話入手非常困難，仲希望有機會可以擔任嘉賓呀。
馬志威指希望有機會同非常欣賞嘅新科視帝張振朗合作

於《黑色月光》表現不俗嘅馬志威，呢日就話希望再有機會同一眾拍檔再次合作挑戰唔同角色，仲話如果可以同新鮮視帝 張振朗 合作就發達咁話。