馬清鏗老婆孔令琦容貌曝光 傳男方帶情婦「五索」出席鄭家純孻仔婚宴

34歲「五索」鍾睿心（Rachel）早前被爆係66歲大生銀行主席馬清鏗情婦，五索更向傳媒提供兩張自己與馬清鏗合照，盛傳五索為男方誕下四名仔女，近排更頻密分享與「富商A」生活日常，五索又指馬太對佢嘅存在並不知情，不少網民對馬清鏗太太身份相當好奇，近日有報道稱馬清鏗太太就係孔令琦醫生，其照片曝光，家底亦非常猛料！
近日有報道稱馬清鏗太太就係孔令琦醫生，其照片曝光（右圖），家底亦非常猛料！

馬太孔令琦嘅父親孔祥勉曾任浙江第一銀行董事長，阿哥孔令成曾任海洋公園主席，現任全國政協及香港故宮文物博物館主席，有指時任東華三院主席馬清鏗曾喺2008年出席東華三院馬孔令琦兒童發展中心命名禮，兩公婆捐款100萬元資助中心建設及服務發展，據知馬太一直好少陪老公出席公開場合，閒時留喺屋企陪伴阿女Audery。

另有報道爆五索曾陪馬清鏗出席鄭家純孻仔鄭志亮婚宴。
另有報道爆五索曾陪馬清鏗出席鄭家純孻仔鄭志亮婚宴，二人譜出9年父女戀，估計係圈中公開嘅秘密，而五索喺鄭家純細仔婚宴翌日亦上傳「仇富」影片，提到城中富二代結婚令尖沙咀交通癱瘓，仲話「有錢人真係唔係大晒」，五索仲教路見到有錢人要「擦鞋」，又話「只有擦鞋先幫到你」。

34歲「五索」鍾睿心早前被爆係66歲大生銀行主席馬清鏗情婦。