獨家丨安德尊率靚女財神遊圍村 鄧達智盡地主之誼添氣氛

大王安德尊、彭慧中同林秀怡三位《流行都市》嘅主持，呢日齊齊化身做「都市財神」同觀眾拜早年，兼拜訪鄧氏圍村進行錄影，為大家送金送福。三位造型非常仔細，秀怡換上財神裝後仲落力向客戶推銷佢哋呢隊三人「都市財神」嘅組合，實行一人價錢三位財神出動。
林秀怡、安德尊及彭慧中化身財神。
三位「都市財神」聯同鄧老爺鄧達智，仲有兩位幕後同事分別飾演土地公同食神，而負責飾演土地公嘅就係節目嘅副導演，佢嘅演出為一眾主持帶嚟無限歡笑。主人家鄧達智亦一盡地主之誼，帶大家遊覽圍村兼感受過年氣氛，仲有好嘢食兼舞獅睇，佢又介紹圍村傳統習俗。
鄧達智帶大家去遊鄧氏圍村。
財神爺就不時見到，但女財神就實屬罕有，連財神大王都話帶住兩位靚女見習財神出巡都覺得威水。佢哋仲介紹各自財神服飾嘅手工，兼且講大家嘅感受。
《流行都市》嘅工作人員都客串演出。
《流行都市》副導演 及安德尊。