獨家丨吳若希獻出螢幕最激吻戲 被蕭正楠嘴唇糖味化解緊張

《奔跑吧！勇敢的女人們》嚟到大結局前嘅一集，吳若希（Jinny）揭發咗老公蕭正楠同賴慰玲有婚外情，喺面對婚姻失敗嘅時候，要同老公拍親密戲，而內心決定要離婚嘅Jinny就因為老公呢一吻而被感動咗啦。
吳若希從影以嚟最激嘅一次吻戲。
原來呢場咀戲係Jinny從影以嚟最激嘅一次，佢話事前都好緊張，但係阿蕭嘴唇有陣糖味，令佢回味嗰種糖味而化解咗緊張，阿蕭解釋糖味係嚟自潤唇膏。
兩位有家室嘅人，吻完即抹嘴？！
兩人經已係有家室之人，接拍呢啲親熱戲份，事前冇特別同另一半備案，阿蕭笑言事前唔知有咀戲，Jinny就話老公知道佢工作性質，明白因由需要。
蕭正楠
吳若希