2025風生水起丨郭珮文王海榛蛇年同犯太歲 麥玲玲批兩人桃花不俗會舊換新

《2025風生水起》呢集薛家燕、麥玲玲師傅、導演葉念琛，仲有兩位美女郭珮文同王海榛一齊開心食團年飯，席上大家就乜都傾一餐，同樣係屬蛇嘅榛榛同郭珮文趁機請教玲玲師傅佢哋蛇年嘅運程，玲玲師傅指兩人桃花運不俗，更有可能係舊換新。
呢集《2025風生水起》眾主持同嘉賓一齊食團年飯。
講吓運程之外，郭珮文話有份參演葉導新戲，拍完都好似一場夢，被問到佢角色時，葉導話郭珮文好似到而家都唔知做咩，不過佢透露郭珮文造型係好靚，而郭珮文就話當初聽到葉導講解電影內容，已立即令佢心動。
葉念琛 薛家燕
郭珮文第一次拍戲，睇嚟仲要多啲吸收吓經驗先得啦！相反榛榛呢次喺戲中嘅演出，就真係好難忘，葉導預告榛榛喺戲中有好大突破，就係被打。
郭珮文