陳俊安內地拍戲中暑狂嘔 去年發展佳揮毫傳好運

近年主力內地市場嘅 陳俊安 過去一年於內地參與多部電視劇同電影演出，近日趁住新年回港小休，仲因為覺得自己龍年豐收，所以雖然不諳書法， Otto仍特意親寫多張揮春送予身邊好友，祝願蛇年健康，出入平安。

近年集中於內地發展嘅Otto近日回港小休

Otto指過往一年中游走唔同地方同城市，希望新作盡快推出，佢話：「去年一部古裝劇嘅過程令我好難忘，我第一次喺山頭拍武打戲拍到中暑，當日温度大約40度左右，烈日當空下對打足足7、8個鐘，又要騎馬，突然間就頭暈想作嘔，之後嘔咗接近兩桶水，上吐下瀉。休息咗兩個鐘先繼續拍攝，今次也可能係身體發出嗁警號，要多鍛鍊身體同解拍攝地點仲有天氣狀況以防萬一。之後喺台山拍另一部時裝劇，最開心係同來自香港；好耐冇合作嘅演員工作，不過拍攝中又撞傷眼睛，所以做任何工作時都必須要留意同集中。」

去年發展不俗嘅佢，又提到曾拍攝中暑，要加操Keep Fit

Otto又話：「當時順道為台山電視台拍咗一啲飲食資訊同探險節目，當地觀眾仲叫我「台山駙馬」，呢次幾乎遊遍整個台山，又去咗陳百強紀念館。台山人非常友好，原來佢哋唔少人都睇香港電視節目長大，所以街上遇見都會話自細睇我嘅劇集長大。」

雖然未習書法，但係都希望將去年好運同大家分享
Otto指過往農曆年大部份行業包括演員都可以休息，不過時移世易，近年農曆年已不一定放假：「我習慣封定利是俾我哥哥嘅小朋友，仲有身邊嘅同事，當然新年最開心嘅事梗係開工可以逗到老闆俾嘅利是，如果新年見到我，我一定會派利是俾你。」