大灣仔團年飯向觀眾拜早年送祝福 張智霖與兄弟笑不停拍攝手震震

張智霖 、吳卓羲 、林曉峰 、陳小春、謝天華 梁漢文 同 周柏豪 喺幾年前參與內地湖南衛視製作節目《披荊斬棘的哥哥》系列而獲封「大灣區哥哥」，節目出街後近年佢哋紅遍內地，游走唔同綜藝節目，個個都豬籠入水名利雙收，近日Chilam、小春同柏豪亦亮相TVB同湖南衛視合作嘅歌唱節目《聲生不息大灣區季》，獻唱唔同年代金曲，反應叫好。

Chilam、小春、謝天華、梁漢文同林曉峰等年前一齊參與內地綜藝
雖然六位喺《披》節目中緣聚緣散，但觀眾同粉絲們對灣區哥哥並無遺忙，即使佢哋各自現身活動都大班粉絲支持。農曆新年將至，六位灣區哥哥呢日都嚟個短聚團年打邊爐，難得兄弟聚頭，見佢哋都一齊舉杯高興一吓，呢重要嘅時刻由Chilam操刀拎起手機拍攝，佢哋仲鬼馬地以半喊淡英語為向粉絲們送上「We wish you happy new year.」，講完之後佢哋都忍唔笑大笑，連舉機拍攝嘅Chilam都笑到手震，幾個大細路喧嘩一輪後先正正經經高呼：「大灣仔祝大家蛇年行大運。」場面溫馨又搞笑。
加上周柏豪同吳卓羲，齊齊參與唔同節目而成為好友

不少網友同粉絲見到呢段有趣短片，都勾起大灣仔重現螢幕回憶，期待佢哋當中有份參與嘅節目大灣仔的夜係咪會開拍第三季，期待佢哋再現身不同節目。

近日呢七位阿哥就齊齊集合團年，再率先同大家拜早年喇