李克勤突破舞台跳唱展活力舞姿 陳慧嫻甩打底褲大膽叫拍檔幫手

陳慧嫻 6場嘅演唱會話咁已經完成第3場，連日吸引唔少圈中人支持，Priscilla獻唱嘅年代金曲令歌迷聽得如癡如醉，同時亦為大家送上一啲經典快歌。第3場仲邀請到相識多年嘅好友 李克勤 助陣，兩人合作跳唱《跳舞街》。

陳慧嫻嘅演唱會轉眼已經完成一半場次
當兩人完成歌曲唞唞氣之際，Priscilla就開始拉扯裙背，仲要求克勤幫佢抽褲，Priscilla笑指因為跳得太開心加上瘦咗，所以內裡打底褲下滑，克勤聞言話自已經有家室，立即叫女Dancer幫忙。
不過呢場就因為跳得太激致打底褲滑落，搞到佢要叫克勤幫手

及後Priscilla大讚克勤嘅表現，應該要獲得啟德場館嘅掌聲，克勤叫Priscilla唔好咁客氣，大家相識幾十年，不過克勤強調從未擔任演唱會嘉賓要跳舞，就連自己開騷都冇跳舞環節，佢亦曾經聽過好多人讚佢跳舞可愛，更笑指自己上綜藝節目跳舞係因為屋企家庭負擔重要出嚟工作，而呢晚克勤嘅躍動舞姿大家都收貨，獲得全場歡呼。

克勤幫又唔係唔幫又唔係，情況尷尬又搞笑

克勤又笑指自己開騷都冇跳舞，呢次俾足面老友