陳慧嫻「無厘啦更」邀古巨基任嘉賓 觀眾見證打手印預告合力炮製新歌

陳慧嫻40週年演唱會不經不覺去到第4場，噚晚邀請古巨基擔任嘉賓，古巨基出現令現場觀眾非常興奮開心，慧嫻笑問觀眾係咪估唔到呢，又指二人好似無厘啦更，其實私底下係好好朋友！

陳慧嫻演唱會不經不覺去到第4場，噚晚邀請古巨基擔任嘉賓。
慧嫻好多謝基仔出現，稱二人平時係聚會嘅腳嚟嘅，亦會傾心事 。慧嫻記得好多年前，基仔曾自薦為慧嫻監製唱片，慧嫻重提呢件事並好奇問：「我而家想問番你，點解咁嘅？竟然對我有興趣嘅？ 」基仔愕然：「嘩，你記得呀？因為我有做監製嘛，喂，我哋呢度成萬人對你都有興趣喎！點會『竟然』呀?」慧嫻突然主動邀基仔做唱片監製，基仔開心點頭馬上答應。

古巨基出現，令現場觀眾非常興奮開心！
二人喺台上以觀眾作見證打手印：「下次慧嫻錄新歌就是由我監製！」接著基仔重提慧嫻前晚勁舞跳到甩打底褲叫幫手一事，基仔問：「你係咪要休息一陣？今晚條打底褲得唔得? 我今晚我都著咗條打底褲嚟喎，哈哈！」慧嫻笑問：「今晚冇事啦！你著定嚟驚要借俾我呀？哈哈。」

慧嫻突然主動邀基仔做唱片監製，基仔開心點頭馬上答應，喺台上以觀眾作見證打手印。
慧嫻落台底換衫嘅時間，基仔就揀咗首慧嫻歌曲唱畀大家聽，點知監制竟然話慧嫻期待聽《愛得太遲》，基仔就清唱幾句《愛得太遲》畀換衫中嘅慧嫻聽，繼而再送上慧嫻歌曲《love me once again 》。

慧嫻好多謝基仔出現，稱二人平時係聚會嘅腳嚟嘅，亦會傾心事 。