陳慧嫻演唱會首場意外跌倒 幸未受傷大笑擋尷尬

陳慧嫻 6場演唱會星期二晚於紅館正式開鑼，今次係慧嫻出道40周年嘅紀念，演出橫跨農曆新年，不過首場演出就發生小意外，佢身穿華麗服飾演出途中，不慎於舞台上絆倒，幸反應快嘅佢即以雙手支撐，再華麗跌坐台上。

慧嫻於舞台不慎絆倒(網上圖片)
隨即大笑自嘲嘅慧嫻，即獲音樂總監何丙上前攙扶，工作人員又上台了解係咪舞台地面不平導致意外。被何丙扶起嘅慧嫻之後繼續自嘲，指唔可以再讚自己靚，因為一講就開口中跌低，不過台下全場歌迷就為佢打氣，齊齊高呼指佢一樣咁靚，氹到慧嫻開心大笑。