StarTalk｜陳柏宇時隔兩年再開騷 撰Side Track演出更有滿足感

陳柏宇 好快又會展開佢嘅全新演唱會，近年成為早餐KOL嘅佢，今次相隔2年再開騷，早前接受 許文軒 《StarTalk》專訪時，就指將會加入更多side-track作品入歌單，仲話唔擔心因為較少演出而唔熟歌詞，相反認為會為觀眾帶來更大新鮮感。

陳柏宇即將再次展開演唱會
除咗歌曲之外，早前佢仲公開話過會於今次演出跳舞，雖然自嘲舞技一般，又指自己跳舞唔好睇，不過大家講到就會積極配合，呢個心態亦同樣套用到工作其他層面。陳伯話如果自己唔太過揀擇，相對挑戰自己嘅機會就更加多喇。
今次亦會再一次挑戰跳舞

入行多年嘅佢，早前被錯認為洪卓立，不過佢就指純粹笑料一單，更指自己一樣大頭蝦，無論係乖女全名定係母親大人生日，統統都會唔記得，非常搞笑。
Jason自指係大頭蝦一名，記性非常麻麻

同樣2007年出道嘅佢哋，視呢次錯認為等閒事，仲話有意組織同年度新人聚會甚至以某種形式再上台同大家見面，雖然未有具體計劃，但係屆時就隨會有別開生面嘅活動喇。

呢日佢又提到，希望有機會可以同當年一齊出道嘅各位新人一齊重聚演出