容祖兒罕剖白與死敵楊千嬅微妙關係 慶幸樂壇路上成為對方「一起跑的夥伴」

容祖兒（Joey）同楊千嬅曾喺以前頒獎典禮鬥足逾10年，雙方歌迷當年不時為偶像展開罵戰，祖兒同千嬅被認定係「死敵」，更傳二人互不往來，後嚟2019年一抱泯恩仇，被指化敵為友，祖兒最近喺內地節目《聲生不息大灣區季》與歌手周筆暢合唱《飛女正傳》，同時佢剖白跟千嬅嘅微妙關係。

祖兒最近喺內地節目《聲生不息大灣區季》與歌手周筆暢合唱《飛女正傳》，同時剖白跟千嬅嘅微妙關係。
祖兒指千嬅係早幾年出道，讀書時期有買過對方嘅唱片《出埃及記》，祖兒其後加入樂壇，當年有傳佢哋鬥到你死我亡，祖兒喺2019年舉辦《PRETTY CRAZY》演唱會邀請多年來嘅「死敵」千嬅做嘉賓，合唱《假如讓我說下去》同《連續劇》，二人更喺台上互訴心底話，最後激動相擁，似乎由對手變好友。

祖兒指千嬅係早幾年出道，讀書時期有買過對方嘅唱片《出埃及記》，祖兒其後加入樂壇，當年有傳佢哋鬥到你死我亡。
祖兒坦言以前同千嬅並非同一間唱片公司，指「其實我們不算很熟」，直到有幾年佢哋走得比較近，當時千嬅生咗阿仔丁進諾（Torres），祖兒有去千嬅屋企拜年。

祖兒喺2019年舉辦《PRETTY CRAZY》演唱會邀請多年來嘅「死敵」千嬅做嘉賓。
祖兒直指過去嘅不和傳聞、激烈競爭只係一種包裝同劇情，令觀眾睇得較為津津有味；祖兒更一度講到哽咽，指慶幸喺樂壇呢個競跑場上，有千嬅呢位「一起跑的夥伴」，若果自己跑就有啲無聊，亦冇心思跑落去，但係旁邊有人同你一齊跑，就唔會覺得咁寂寞。祖兒強調女歌手之間係冇宮鬥，祖兒認為佢同千嬅之間係冇搶呢種心態，反而係見到對方好，會替對方高興。

祖兒直指過去嘅不和傳聞、激烈競爭只係一種包裝同劇情，令觀眾睇得較為津津有味。