A-LIN小巨蛋個唱嘉賓陣容強大 組限定女團「浪姐543」現唱跳功架

金曲歌后A-LIN嘅三場台北小巨蛋演唱會日前圓滿落幕，A-LIN三晚施展渾身解數為粉絲們送上連串精彩歌舞演出，亦有演唱《有一種悲傷》、《大大的擁抱》等，大家耳熟能詳嘅歌曲，歌衫亦非常華麗奪目。
 金曲歌后A-LIN嘅三場台北小巨蛋演唱會日前圓滿落幕
陶喆為A-Lin演唱會擔任嘉賓。

至於A-LIN呢次演唱會嘅嘉賓陣容都非常強大，第一晚就有金曲歌王陶喆，金曲歌王同金曲歌后對唱《今天你要嫁給我》，喺萬人場館次中極具震撼力。而第二場嘉賓就一口氣現身三位，分別係楊謹華、陳意涵以及Ella陳嘉樺。三位同A-LIN喺內地一齊參與姐姐系歌舞競技節目而感情極好，佢地四個喺呢晚組成一日限定女團「浪姐543」演唱《忘情森巴舞》、《摯友》，令全場氣氛掀至高潮。
陳意涵 楊謹華 陳嘉樺 A-Lin限定女團「浪姐543」