鈕承澤性侵被判囚4年假釋成功 提前出獄春風滿面

台灣導演鈕承澤因2018年性侵劇組女工作人員被判有期徒刑4年，及後因戶籍提前遷至花蓮而喺花蓮入監服刑。經過3年幾牢獄生活，鈕承澤於1月23號第四度申請假釋獲准。

經過3年幾牢獄生活，鈕承澤於1月23號第四度申請假釋獲准。

1月23號上午9點23分左右，鈕承澤獨自拎住行李及一個有「新生」寓意、以及有「出獄（出芋）」諧音嘅芋頭盆栽行出監獄大門，心情大好嘅佢面露笑容，更一路向警衛等人點頭致謝，亦向在場傳媒雙手合十致謝。

鈕承澤提前出獄，必須喺假釋出獄後24小時內向台北地檢署報到。
面對媒體問到未來計劃時，鈕承澤就答：「回去陪媽媽，謝謝大家。」然後上車離去。鈕承澤離開監獄後並冇立刻返屋企，而係去到監獄附近一所民宅拜訪友人。鈕承澤落車後，同友人喺屋內相聚大概半個幾鐘，離開時佢仲向傳媒做出「派Like」手勢，而佢嘅朋友就冇接受訪問，只係表示多謝傳媒關心。 雖然鈕承澤可以提前出獄，但係花蓮監獄指出，鈕承澤必須喺假釋出獄後24小時內向台北地檢署報到，並且遵守相關規定，後續要繼續定期前往報到。

鈕承澤後續要繼續定期前往報到。