陳凱琳陳瀅眾演員10年後重聚賀林景程奪獎 「四個女仔三個Bar」開續集？

TVB劇集《四個女仔三個BAR》喺2015年1月底首播，今年係套劇播出10周年，編導陳維冠及編導鍾國強同一眾演員打邊爐聚舊，兼賀林景程奪得今年最佳男配角，同場見有陳凱琳、陳瀅、何雁詩、劉佩玥、黃智賢及鄭子誠。

TVB劇集《四個女仔三個BAR》喺2015年1月底首播，今年係套劇播出10周年，眾人開心重聚。
主演之一嘅陳凱琳噚日喺社交平台分享多張合照，並笑指咁就10年，又問大家記唔記得佢哋喺劇中角色名：「Who still remembers our names from 四個女仔三個 Bar? 👧 👙 it’s Baaaar, not BRA！」四個女仔一個墟，見佢哋開心影合照，全程表情多多，而陳凱琳曬出佢哋10年前嘅合照，對比今次Re-U靚相，陳凱琳、陳瀅、何雁詩及劉佩玥個樣幾乎冇乜點變，大家都保養得宜，keep得好！

陳凱琳、陳瀅、何雁詩及劉佩玥個樣幾乎冇乜點變。
一向眼淺嘅何雁詩，喺影相嗰陣仲有啲眼濕濕，似乎係因「Reunited after 10 years（10年後重逢）」，所以好感動。陳凱琳仲喺限時動態上載咗一條寫上「四個女仔三個Bar開續集? 」嘅影片，見編導陳維冠稱《四個女仔三個 Bar》10周年，預告搵到sponsor佢哋就開續集，眾人聞言即拍手歡呼。 

陳凱琳仲喺限時動態上載咗一條寫上「四個女仔三個Bar開續集? 」嘅影片。四個女仔一個墟，見佢哋開心影合照，全程表情多多。四個女仔因拍劇成為好友。

一向眼淺嘅何雁詩，喺影相嗰陣仲有啲眼濕濕，似乎係因「Reunited after 10 years（10年後重逢）」，所以好感動。