陳展鵬出戰乒乓球慈善賽 太太單文柔成首位徒弟

TVB一眾藝人陳展鵬、林景程、劉威煌及伍富橋等出戰仁愛堂慈善乒乓球賽，大家知道展鵬曾經係港青乒乓球代表成員之一，雖然係好耐之前嘅事，但展鵬球技依然咁厲害，仲透露自己第一名徒弟就係太太單文柔，而第二位就係囡囡小豬比，佢又分享打乒乓球對瘦身極佳，兼且預告農曆新年將會放假跟家人度新歲。
陳展鵬、劉威煌及伍富橋呢日出戰仁愛堂慈善乒乓球賽。
劉威煌、伍富橋及林景程。

鍾志光為比賽進行旁述，對體育充滿熱誠嘅鍾Sir特別期待同事們上場嘅發揮，佢話嚟到係捧展鵬場，仲讚對方根基打得好好，期待精彩賽事。而林景程同劉威煌同樣係巨星幫出身，今次兩人就係乒乓波枱上重聚，威煌就謙稱準備輸波，點知被伍富橋同景程踢爆佢係好波之人。
鍾志光為比賽擔任旁述。