陳展鵬帶小豬比見熊貓細心講解 龍鳳胎超蓮猷啟喜見小姊弟

陳展鵬 自同 單文柔 婚後育有囡囡 小豬比 後，夫妻重心就不時集中喺小朋友身上，近日大人細路都放假過年，煎Pan亦把握時間帶小豬比出遊，率先探訪好快就會公開同公眾見面嘅一對龍鳳胎熊貓BB喇。

展鵬帶小豬比見一對熊貓BB萬人迷
快將6歲嘅小豬比見到熊貓非常開心，Daddy煎Pan仲估計首次過新年嘅一對熊貓BB仍然需要飲奶，細心解釋比囡囡知哺乳類胎兒長大必需要飲奶，至於掌鏡嘅媽咪Phoebe亦大讚一對BB夠晒可愛。煎Pan指：「國寶熊貓BB，終於喺新年前見到你啦。纯真、温暖、福氣、安逸，望住有一種“治愈系”的愉快。我同小豬比祝福你哋兩姊弟、快高長大，活潑可愛身體健康。」
一對龍鳳胎子弟好快就會同大家見面

公園中嘅龍鳳胎熊貓盡吸大家焦點，而現實中嘅何家龍鳳胎 何超蓮 同 何猷啟 亦都有到現場同龍鳳熊貓見面，超蓮仲寫道：。「率先跟熊貓雙胞胎寶寶「家姐」跟「細佬」見面了！跟龍鳳胎弟弟一起看龍鳳胎熊貓寶寶姐弟🤭牠們真的很可愛！圓呼呼的又很活潑調皮🥰還有小熊貓岀來加演哈哈😆」

超蓮同猷啟呢對姊弟，亦到同熊貓龍鳳胎見面