TVB大寶藏｜城寨女殺手唔易做 胡定欣拍戲被袁偉豪 陳展鵬連環暴打

每年嘅《萬千星輝頒獎典禮》都係演員收成績表嘅時候，呢集TVB大寶藏就帶大家重溫胡定欣喺《萬千星輝頒獎典禮2016》奪得「最佳女主角」嘅《城寨英雄》其中一場感人戲份嘅拍攝辛酸事。
 胡定欣喺《城寨英雄》中飾演殺手刁蘭。刁蘭一角令定欣奪得視后。
劇情講到定欣飾演嘅刁蘭受刺激被激發過去殺手時期嘅武打潛能，但打低壞人之後因為心臟病發而突然昏倒，袁偉豪飾演嘅牙佬同陳展鵬飾演嘅拳佬為救刁蘭而連環猛打佢嘅心口。城寨劇組作客《兄弟幫》時講返呢場戲嘅拍攝過程，展鵬就話因為劇組用高速拍攝，所以呢場戲冇得就住動作，一定要打出效果。定欣就話被兩位男士真係打到好痛啊！
劇中定欣要畀佢哋狂打。
真係打落去㗎！