戴祖儀不慎跌落坑渠見紅 發表「封腿宣言🌞」自嘲龍年尾用PK嚟收結

戴祖儀一向係搞笑擔當，不時笑料百出，發揮其傻大姐本色，早前先喺TVB萬千星輝頒獎典禮大曬白滑美腿，點知噚日忽然喺社交平台發表「封腿宣言🌞」，短期內要同啲短褲及短裙講再見，戴祖儀更附上影片解釋「封腿」原因！

戴祖儀噚日忽然喺社交平台發表「封腿宣言🌞」。
片中所見戴祖儀當日落車為電動車充電，一邊行就一邊同好友講電話，點知行行吓先發現坑渠冇渠蓋，佢就一嘢踩咗落去，大髀同腳膼䯖受傷，戴祖儀話當刻傷口出晒血、腫晒，已立即噴消毒，戴祖儀痛到大叫，佢指平日笑人PK笑得多，估唔到今次輪自己時，真係笑唔出。

戴祖儀行行吓先發現坑渠冇渠蓋，佢就一嘢踩咗落去，大髀同腳膼䯖受傷。

戴祖儀附上影片解釋「封腿」原因！
戴祖儀汲取呢次教訓，行街一定要睇路，千祈唔好講電話，並留言：「封腿宣言🌞估唔到去到龍年尾都要用PK嚟收結，祖儀人生真係充滿綜藝感呀☺️一人一句祝福我的腿腿早日康復見得番光。」

戴祖儀汲取呢次教訓，行街一定要睇路，千祈唔好講電話。
不少網民見到紛紛留言安慰，表示睇到都好痛，叫佢以後要帶眼睇路。陳煒亦留言：「見到都痛。」而傅嘉莉就寫道：「omgggggg get well soon dear」有網民表示：「踩到好深？傷到大髀喎🙀🙈不過點解會係發現冇咗渠蓋先，之後踩落去。」今日再有網民問佢隻腳點，戴祖儀親回：「估唔到連跌落坑渠都會發生喺我身上，心理創傷比較大，巧多人關心我嘅腿腿，矛嘅，腫腫紅紅咁囉。」而戴祖儀今日已去打破傷風針。

戴祖儀今日已去打破傷風針。

戴祖儀親回表示估唔到連跌落坑渠都會發生喺自己身上。