蘇慧倫日本滑雪聖地取景拍MV 長時間拍攝不慎凍傷玉腿

台灣凍齡女神 蘇慧倫 近年重新活躍於歌壇，日前佢去到日本長野縣滑雪聖地白馬村拍攝新歌《抬頭紋》MV，喺大雪紛飛當中取景。除咗凍，原來仲有其他考驗，慧倫為咗配合造型未有著雪靴，所以拍攝同走動時不時都會喺雪地上差啲滑倒場面驚險，經過長時數嘅拍攝，慧倫亦要面臨腳掌凍傷嘅危機。

蘇慧倫早前到日本拍攝新歌MV
雖然工作人員事前經已為慧倫喺腳掌包上保鮮紙保暖，最終慧倫發現腳掌被凍傷，佢更講笑話自己滑雪時都未試過凍傷腳，估唔到為咗拍攝MV而凍傷。
仲因為未著雪靴而幾乎凍傷

雖然拍攝過程有啲辛苦，但係面對住北阿爾卑斯山同滿天白雪嘅壯麗景色，慧倫話一切都值得，仲希望下次再訪白馬村滑雪。而新歌旋律輕快，不過細看歌詞，原來有另一層涵義，當中有淡淡嘅孤獨感，正正同雪地上只有一人嘅意境相當配合。

單靠保鮮紙保暖腳掌結果失敗