阮兆輝李龍致力推動粵劇傳承 尹飛燕農曆新年放低工作北上旅行

一眾粵劇老倌多年嚟致力推動粵劇文化，想將呢個傳統文化傳承畀新一代，呢日阮兆輝、李龍同吳美英等老倌出席參與一個促進同保留香港粵劇文化嘅活動，佢哋講到點樣吸引年輕人投身粵劇界。阮兆輝呢日獲頒發委任狀繼續推廣粵劇文化

李龍覺得小朋友起初對粵劇未係好熟悉，要一步一步將佢哋訓練，建立興趣再由基本知識一路學上去，呢部分最為緊要，而輝哥認為全行都應該做，譬如喺學校及唔同場合嘅小朋友都應該吸納。
佢同李龍、尹飛燕呢日都係獲邀嘉賓

粵劇除咗幕前演出，幕後崗位同樣重要，而且幕後工作亦種類凡多，佢哋都好歡迎年輕人加入，希望有多啲新血，嚟緊到農曆新年，英姐暫時放低工作，今年去北京同南京旅行見識吓。而李龍喺今年年尾有演出，演出4日先放假過年，輝哥則同大家拜個早年，祝大家新春快樂！

英姐話新年假期會北上旅行休息