黃夏蕙白蛇傳造型上頭炷香 期待籌建老人院快成事

被網民封為頭炷香KOL嘅黃夏蕙，今年年廿九按慣例現身黃大仙，夏蕙姨一身白娘子造型喺扮成青蛇同白蛇嘅契女艾美琦、李子彤，以及陳建興陪同下現身黃大仙廟。夏蕙姨一早起身用咗五個鐘為自己裝扮，而造型構思全部都係佢意思，佢仲解釋點解要以《白蛇傳》做參考，祈求香港人多啲能量，再做多啲好事。
夏蕙姨依傳統再到黃大仙排隊等上頭炷香，仲吸引外國遊客打卡

夏蕙姨祝願世界和平同大家健康，而佢籌備當中嘅老人院，佢就希望可以盡快完成，計劃定址喺新界區，佢話呢個心願幾已係幾十年，因為一直覺得老人家好需要人照顧，佢都話自己係老人家，平時都會覺得寂寞。

佢又話已經選址新界一處準備建老人院